fbpx

הדיבור

10 – מִשְׁלֵי שְׁלֹמֹה בֶן-דָּוִד   מֶלֶךְ יִשְׂרָאֵל.  לָדַעַת חָכְמָה וּמוּסָר    לְהָבִין אִמְרֵי בִינָה.


יז

יז   יָפִיחַ אֱמוּנָה יַגִּיד צֶדֶק    וְעֵד שְׁקָרִים מִרְמָה.

יח   יֵשׁ בּוֹטֶה כְּמַדְקְרוֹת חָרֶב    וּלְשׁוֹן חֲכָמִים מַרְפֵּא. (יב)

יט   שְׂפַת-אֱמֶת תִּכּוֹן לָעַד    וְעַד-אַרְגִּיעָה לְשׁוֹן שָׁקֶר.

כב   תּוֹעֲבַת ידוד שִׂפְתֵי-שָׁקֶר    וְעֹשֵׂי אֱמוּנָה רְצוֹנוֹ.

כה  דְּאָגָה בְלֶב-אִישׁ יַשְׁחֶנָּה    וְדָבָר טוֹב יְשַׂמְּחֶנָּה.

יג

ב   מִפְּרִי פִי-אִישׁ יֹאכַל טוֹב    וְנֶפֶשׁ בֹּגְדִים חָמָס. 

ג   נֹצֵר פִּיו שֹׁמֵר נַפְשׁוֹ    פֹּשֵׂק שְׂפָתָיו מְחִתָּה-לוֹ.

ה   דְּבַר-שֶׁקֶר יִשְׂנָא צַדִּיק    וְרָשָׁע יַבְאִישׁ וְיַחְפִּיר.

יד

ז   מַלְאָךְ רָשָׁע יִפֹּל בְּרָע    וְצִיר אֱמוּנִים מַרְפֵּא.

ה  עֵד אֱמוּנִים לֹא יְכַזֵּב    וְיָפִיחַ כְּזָבִים עֵד שָׁקֶר.

ז   לֵךְ מִנֶּגֶד לְאִישׁ כְּסִיל    וּבַל-יָדַעְתָּ שִׂפְתֵי-דָעַת.

כג   בְּכָל-עֶצֶב יִהְיֶה מוֹתָר    וּדְבַר-שְׂפָתַיִם אַךְ-לְמַחְסוֹר.

טו

א   מַעֲנֶה-רַּךְ יָשִׁיב חֵמָה    וּדְבַר-עֶצֶב יַעֲלֶה-אָף.

ב   לְשׁוֹן חֲכָמִים תֵּיטִיב דָּעַת    וּפִי כְסִילִים יַבִּיעַ אִוֶּלֶת.

ד   מַרְפֵּא לָשׁוֹן עֵץ חַיִּים    וְסֶלֶף בָּהּ שֶׁבֶר בְּרוּחַ.

ז   שִׂפְתֵי חֲכָמִים יְזָרוּ דָעַת    וְלֵב כְּסִילִים לֹא-כֵן.

כג   שִׂמְחָה לָאִישׁ בְּמַעֲנֵה-פִיו    וְדָבָר בְּעִתּוֹ מַה-טּוֹב.

כו   תּוֹעֲבַת ידוד מַחְשְׁבוֹת רָע    וּטְהֹרִים אִמְרֵי-נֹעַם.

כח   לֵב צַדִּיק יֶהְגֶּה לַעֲנוֹת    וּפִי רְשָׁעִים יַבִּיעַ רָעוֹת.

טז

א   לְאָדָם מַעַרְכֵי-לֵב    וּמֵידוד מַעֲנֵה לָשׁוֹן.

יג   רְצוֹן מְלָכִים שִׂפְתֵי-צֶדֶק    וְדֹבֵר יְשָׁרִים יֶאֱהָב.

כא   לַחֲכַם-לֵב יִקָּרֵא נָבוֹן    וּמֶתֶק שְׂפָתַיִם יֹסִיף לֶקַח.

כג   לֵב חָכָם יַשְׂכִּיל פִּיהוּ    וְעַל-שְׂפָתָיו יֹסִיף לֶקַח.

כד   צוּף-דְּבַשׁ אִמְרֵי-נֹעַם    מָתוֹק לַנֶּפֶשׁ וּמַרְפֵּא לָעָצֶם.

כו   נֶפֶשׁ עָמֵל עָמְלָה לּוֹ    כִּי-אָכַף עָלָיו פִּיהוּ. 

כז   אִישׁ בְּלִיַּעַל כֹּרֶה רָעָה    וְעַל-שפתיו (שְׂפָתוֹ) כְּאֵשׁ צָרָבֶת

יז

כ  עִקֶּשׁ-לֵב לֹא יִמְצָא-טוֹב    וְנֶהְפָּךְ בִּלְשׁוֹנוֹ יִפּוֹל בְּרָעָה.

כח   גַּם אֱוִיל מַחֲרִישׁ חָכָם יֵחָשֵׁב    אֹטֵם שְׂפָתָיו נָבוֹן.

יח

ד   מַיִם עֲמֻקִּים דִּבְרֵי פִי-אִישׁ    נַחַל נֹבֵעַ מְקוֹר חָכְמָה.

ו   שִׂפְתֵי כְסִיל יָבֹאוּ בְרִיב    וּפִיו לְמַהֲלֻמוֹת יִקְרָא. 

ז  פִּי-כְסִיל מְחִתָּה-לוֹ    וּשְׂפָתָיו מוֹקֵשׁ נַפְשׁוֹ. 

ח   דִּבְרֵי נִרְגָּן כְּמִתְלַהֲמִים    וְהֵם יָרְדוּ חַדְרֵי-בָטֶן.

כ   מִפְּרִי פִי-אִישׁ תִּשְׂבַּע בִּטְנוֹ    תְּבוּאַת שְׂפָתָיו יִשְׂבָּע.

כא   מָוֶת וְחַיִּים בְּיַד-לָשׁוֹן    וְאֹהֲבֶיהָ יֹאכַל פִּרְיָהּ.

כג  תַּחֲנוּנִים יְדַבֶּר-רָשׁ    וְעָשִׁיר יַעֲנֶה עַזּוֹת.

 

יט, א   טוֹב-רָשׁ הוֹלֵךְ בְּתֻמּוֹ   מֵעִקֵּשׁ שְׂפָתָיו וְהוּא כְסִיל.

כ, טו  יֵשׁ זָהָב וְרָב-פְּנִינִים    וּכְלִי יְקָר שִׂפְתֵי-דָעַת.

כא, כג   שֹׁמֵר פִּיו וּלְשׁוֹנוֹ   שֹׁמֵר מִצָּרוֹת נַפְשׁוֹ.

כג, ט   בְּאָזְנֵי כְסִיל אַל-תְּדַבֵּר    כִּי-יָבוּז לְשֵׂכֶל מִלֶּיךָ.

כה, יא  תַּפּוּחֵי זָהָב בְּמַשְׂכִּיּוֹת כָּסֶף   דָּבָר דָּבֻר עַל-אָפְנָיו.

כה, טו בְּאֹרֶךְ אַפַּיִם יְפֻתֶּה קָצִין    וְלָשׁוֹן רַכָּה תִּשְׁבָּר-גָּרֶם.

כו

כב   דִּבְרֵי נִרְגָּן כְּמִתְלַהֲמִים    וְהֵם יָרְדוּ חַדְרֵי-בָטֶן. 

כג כֶּסֶף סִיגִים מְצֻפֶּה עַל-חָרֶשׂ   שְׂפָתַיִם דֹּלְקִים וְלֶב-רָע. 

כד   בִּשְׂפָתָו יִנָּכֵר שׂוֹנֵא    וּבְקִרְבּוֹ יָשִׁית מִרְמָה. 

כה   כִּי-יְחַנֵּן קוֹלוֹ אַל-תַּאֲמֶן-בּוֹ    כִּי שֶׁבַע תּוֹעֵבוֹת בְּלִבּוֹ. 

כו   תִּכַּסֶּה שִׂנְאָה בְּמַשָּׁאוֹן    תִּגָּלֶה רָעָתוֹ בְקָהָל. 

כז  כֹּרֶה-שַּׁחַת בָּהּ יִפּוֹל    וְגוֹלֵל אֶבֶן אֵלָיו תָּשׁוּב. 

כח   לְשׁוֹן-שֶׁקֶר יִשְׂנָא דַכָּיו    וּפֶה חָלָק יַעֲשֶׂה מִדְחֶה.

כח

יג   מְכַסֶּה פְשָׁעָיו לֹא יַצְלִיחַ    וּמוֹדֶה וְעֹזֵב יְרֻחָם.

כג   מוֹכִיחַ אָדָם אַחֲרַי חֵן יִמְצָא   מִמַּחֲלִיק לָשׁוֹן.